நாடாளுமன்ற செயற்பாடு குறித்து ஜனாதிபதி மைத்திரிபால சிறிசேன ஜனநாயக ரீதியான தீர்மானத்தை எடுப்பார் என தெரிவிக்கப்பட்டுள்ளது.
நாடாளுமன்ற உறுப்பினர் லக்ஷ்மன் யாப்பா அபயவர்தன, ஜனாதிபதியுடன் இடம்பெற்ற சந்திப்பின் பின்னர் இந்த கருத்தை வெளியிட்டுள்ளார்.
இதேவேளை, எதிர்கட்சித் தலைவர் தொடர்பிலும், இந்த நாட்டில் பெரும்பாலானவர்கள் எதிர்பார்க்காத தீர்மானம் ஒன்றை ஜனாதிபதி மேற்கொள்வார் எனவும் லக்ஷ்மன் யாப்பா அபயவர்தன தெரிவித்துள்ளார்.
இதன்போது, செய்தியாளர் ஒருவர், தமிழ் தேசிய கூட்டமைப்பிற்கு எதிர்கட்சி தலைவர் பதவி வழங்கப்படுமா என வினவிய போது, அதுபற்றி தமக்கு கூற முடியாது என தெரிவித்த அவர், ஜனாதிபதி ஜனநாயக ரீதியான் முடிவை எடுப்பார் என குறிப்பிட்டார்.
இதேவேளை, ஐக்கிய தேசிய கட்சியின் பிரதிநிதிகளும், ஸ்ரீலங்கா சுதந்திர கட்சியின் பிரதிநிதிகளும் நேற்று சந்திப்பொன்றை நடத்தியதாக நாடாளுமன்ற உறுப்பினர் சரத் அமுனுகம தெரிவித்துள்ளார்.
இதன் போது இரண்டு தரப்பினரும் விரோத மனப்பான்மையின்றி, தேசிய அரசாங்கம் ஒன்றில் இணைந்து செயல்படுவது குறித்து கருத்துக்கள் பரிமாறிக் கொண்டதாக சரத் அமுனுகம் குறிப்பிட்டுள்ளார்.
அமைச்சரவை சத்தியபிரமாணத்தின் பின்னர் இரண்டு தரப்பினரும் இணைந்து ஊடக அறிவிப்பு ஒன்றை விடுப்பது என்றும் சரத் அமுனுகம தெரிவித்துள்ளார்.