(எப்.முபாரக்)
கைதிகள் தினம் என்ற ஒரு தினம் இனிமேல் நமது நாட்டில் இருக்ககூடாது.அதனை இல்லாமலாக்கி சிறைச்சாலைகளில் கைதிகளின் தொகையும் குறைய வேண்டும் அதற்காக வேண்டி குற்றச்செயல்களில் ஈடுபடுவதை குறைக்க வேண்டும் என கிழக்கு மாகாண சபையின் உறுப்பினரும் சிரேஸ்ட சட்டத்தரணியும் திருகோணமலை சிறைச்சாலை நலன்புரிச்சங்கத்தின் சிரேஸ்ட ஆலோசகருமான ஜே.எம்.லாஹிர் தெரிவித்தார். திருகோணமலை சிறைச்சாலையில் இன்று சனிக்கிழமை(12) சிறைக்கைதிகள் தினத்தில் நடைபெற்ற விழாவில் பிரதம அதிதியாக கலந்து கொண்டு உரையாற்றும் போதே அவர் இதனைத் தெரிவித்தார். திருகோணமலை சிறைச்சாலை அத்தியட்சகர் யு.ஜி.டபிள்யு. தென்னக்கோன் தலைமையில் சிறைச்சாலை வளாகத்தில் நடைபெற்ற அந்நிகழ்வில் அவர் தொடர்ந்தும் உரையாற்றுகையில்:ஒவ்வொரு மனிதனும் சிறைக்குச் செல்ல வேண்டும் என்ற நோக்கில் ஒரு குற்றத்தை மேற்கொள்வதில்லை சந்தர்ப்ப சூழ் நிலைகள் தான் ஒருவனை குற்றவாளியாக்குகின்றது.