மக்களின் தீர்மானம் நாட்டின் பல தலைமுறைகளில் தலைவிதியை நிர்ணயிக்கப்போகின்றது : அமைச்சர் ரிஷாட்

(ஏ.எஸ்.எம்.இர்ஷாத்)

தேர்தலில் மக்கள் மேற்கொள்ளும் தீர்மானம் நாட்டின் பல தலைமுறைகளில் தலைவிதியை நிர்ணயிக்கப்போகின்றது.கடந்த ஆட்சிக் காலத்தில் மக்கள் சொல்லொணா துயரங்களுக்கு ஆளாகினர். என அகில இலங்கை மக்கள் காங்கிரஸின்தேசிய தலைவரும் ஐக்கிய தேசியக் கட்சியின் வன்னி மாவட்டத்திற்கான முதன்மை வேட்பாளருமான   ரிஷாட்பதியுதீன் இவ்வாறு கூறினார்.

பொதுத் தேர்தலுக்கு ஒரு தினம் உள்ள நிலையில் வவுனியாவில்  நேற்று ஏற்பாடு செய்யப்பட்டிருந்தது தேர்தல்பரப்புரைக் கூட்டத்தில் கலந்துக்கொண்டு உரையாற்றுகையிலேயே இதனை தெரிவித்தார்.

தொடர்ந்து அமைச்சர் கருத்து தெரிவிக்கையில:;

இத் தேர்தலில் யாருக்கு வாக்களிப்பது என்ற உங்களது தீர்மானத்தில் நாம் எந்தவொரு செல்வாக்கையோ, அல்லதுதலையீட்டினையோ செய்யப்போவதில்லை. ஆனால் தமிழ் மற்றும் முஸ்லிம் மக்களின் நலனுக்காக அணிதிரண்டுசகலரும் வாக்களிக்கவேண்டும் உண்மையிலேயே தமிழ் பேசும் மக்கள் வாக்களிப்பில் அக்கறைகாட்ட வேண்டும்என்று முதலமைச்சர் வலியுறுத்தியுள்ளமை வரவேற்கத்தக்க நடவடிக்கையாகும்.

ஐக்கிய தேசிய முன்னணி இம்முறை தேர்தலில் அமோக வெற்றிபெறுவதுடன் 60 மாதங்களில் அபிவிருத்தியும்சுபீட்சமும் நிறைந்த புதிய நாட்டைக் கட்டியெழுப்புவது உறுதி செய்துள்ளது. 

ஜனவரி 8 ஆம் திகதி நாட்டில் பாரிய மாற்றத்தை ஏற்படுத்தி நல்லாட்சியிலும் நல்லிணக்கத்திலும் முன்னெடுத்துச்செல்லும் பயணம் தொடரும் என தெரிவித்த அமைச்சர் மக்கள் அதற்கான பேராதரவை இந்த தேர்தல் மூலம் வழங்கவேண்டும் என்றும் கேட்டுக்கொண்டனர்.

ஊழல், மோசடி, வன்முறை நிறைந்த யுகம் ஜனவரி 8 ஆம் திகதியுடன் முற்றுப் பெற்றுவிட்டது என குறிப்பிட்டஅவர்கள், அனைத்து இன, மத மக்கள் நல்லிணக்கத்துடன் சகல உரிமைகளையும் பெற்று வாழும் புதிய இலங்கையைக்கட்டயெழுப்புவதே எமது நோக்கம் என்றும் தெரிவித்தனர்.

ஜனவரி 8 ஆம் திகதி ஜனாதிபதி மைத்திரிபால சிறிசேனவின் தலைமையில் உருவாக்கப்பட்ட அரசாங்கம் ஒருகுடும்பத்தின் எதிர்காலத்தைப் பற்றியன்றி நாட்டிலுள்ள 55 இலட்சம் குடும்பங்களின் எதிர்காலத்தைக்கருத்திற்கொண்டே செயற்படுகிறது.